З 8 красавіка 2026 у Нацыянальным мастацкім музеі Рэспублікі Беларусь будзе прадстаўлена "Выстава аднаго шэдэўра. "Прагулка" Марка Шагала» з калекцыі Дзяржаўнага Рускага музея (г. Санкт-Пецярбург, Расійская Федэрацыя). Дадзеная выстава стане прэзентацыяй аднаго з праграмных твораў Марка Шагала, створаных ім у ранні перыяд творчасці (1917).
"Выстава аднаго шэдэўра. "Прагулка" Марка Шагала " закліканая не толькі пазнаёміць беларускага гледача са знакамітым шэдэўрам ранняй творчасці мастака, але і стане працягам прэзентацыі творчай спадчыны майстра з музейных калекцый Расійскай Федэрацыі ў Рэспубліцы Беларусь. Дадзеная выстава з'яўляецца вынікам шматгадовага плённага супрацоўніцтва паміж Нацыянальным мастацкім музеем Рэспублікі Беларусь і Дзяржаўным Рускім музеем.
